Packaging
Proxecto académico
2025
Compartir
Packaging
Proxecto académico
2025
Compartir
Elia
Deseño de identidade visual e packaging para Elia, unha crema iluminadora de gama alta con ingredientes naturais. O proxecto céntrase en trasladar a calidade do produto a unha experiencia física e sensorial.
O fío condutor do deseño é a luminosidade, o atributo máis diferencial do produto. A identidade visual busca reflectir esa luz que a crema aporta ao rostro, utilizando unha linguaxe gráfica minimalista que evoca pureza e materiais con acabados metálicos nos que se o producto se reflexa.
O envase secundario [caixa] está deseñado para xerar unha experiencia de unboxing memorable. A estrutura require dunha manipulación coidada, elevando o cosmético a un obxecto de desexo e reforzando a percepción de luxo.
Fronte á sofisticación da caixa, o envase primario [tarro] aposta pola funcionalidade diaria. Cunha estética sinxela e limpa, concentra a esencia da marca de xeito ergonómico e directo.
1/3
2/3
3/3
O deseño inspírase no amencer e na enerxía vital do sol para crear unha linguaxe visual de alta gama.
O Sol é o concepto clave: As formas circulares e o brazo central da “E” evocan o sol asomándose por unha xanela, unha idea que se reforza no isotipo coa representación das raiolas. Así, combínase a sobriedade do luxo coa calidade orgánica da natureza, utilizando formas sinuosas e irregulares que contrastan coa estrutura angulosa do packaging.
[envase secundario]
Un despregable tipo caixón que revela o produto mediante un tirador de cinta prateada. Na parte superior, un peto oculta o manual de uso. Para as recomendacións de uso, deseñouse unha serie de pictogramas que facilitan a interpretación.
[envase primario]
O aluminio do bote cilíndrico protexe a fórmula das condicións externas mentres o seu acabado natural brillante conecta co concepto de luz de toda a marca. Uso de stamping metalizado 3D na etiqueta frontal para aportar unha textura distintiva ao tacto.
[interior vs exterior]
O branco puro do exterior contrasta co material prateado e reflectante do interior. Os troquelados na caixa permiten visualizar esta dualidade, comunicando que a luz reside no corazón do produto.
